Un biau corbiau tout noir, incrinqué su chin ape,
t’nau ben serré din s’bouc un fromache eud’ Maroille.
Un jonne finnaud d’arenard, l’estomac in écharpe,
Par l’sentiment guidé, nifla vers ché zétoiles.

« Ah! Te v’la biète à z’ailes, ben ché ti qué j’cachau.
A coté d’ti, arnéqué tout in noir,
Ché coulons du concours y z’ont l’air ed’ pequenauds.
Din l’roucoulate aussi, éj’su même prêt à croire,
qu’eune canchon comme eul tienne, elle laiss’rau ben penauds
Rossignols et magnons qui cantent là tous les soirs. »

A ché mots, ch’corbiau y n’sarsent pu picher,
Y comminche à canter in ouvrant tout grand s’biec,
Du coup, y a sin puant qui comminche à glicher
Et pis qui queu par tierre à côté du fennec.
L’agrippeux animal d’mindau que d’l’ingloutir,

« Chi té n’veux nin, fifi, t’intiquer din l’berdoulle
-Dit intre deux bouquées ch’ti qui n’faijau qué d’rire-
N’acoute don point ch’tilal qui t’raconte des cacoules »

Y a tout d’même eune morale à propos d’not arnard…

A force eud s’in venter, cha a fait l’tour delle tierre,
Et y a pu d’aut’ moniaux que l’arenard a pu s’faire.
Ben si à st’heure dz’ arnards, te nin vo pu grinmin
Ché qu’à trop ouvrir l’bouc y zont tous quervé d’faim.

Maître Corbeau, sur un arbre perché,
Tenait en son bec un fromage.
Maître Renard, par l’odeur alléché,
Lui tint à peu près ce langage :
Et bonjour, Monsieur du Corbeau,
Que vous êtes joli ! que vous me semblez beau !
Sans mentir, si votre ramage
Se rapporte à votre plumage,
Vous êtes le Phénix des hôtes de ces bois.
À ces mots le Corbeau ne se sent pas de joie,
Et pour montrer sa belle voix,
Il ouvre un large bec, laisse tomber sa proie.
Le Renard s’en saisit, et dit : Mon bon Monsieur,
Apprenez que tout flatteur
Vit aux dépens de celui qui l’écoute.
Cette leçon vaut bien un fromage sans doute.
Le Corbeau honteux et confus
Jura, mais un peu tard, qu’on ne l’y prendrait plus.

2ème version

Un bieau corbieau qu’y’ étot perché sur un sapin
Tenot dins sin bec un vieux Lille.
Attiré par ch’ fromache à l’odeur si subtile
Arrife un vieux renard malin.
Et le v’la aussitôt qui c’minche un bieau discours
Avec ein’ vox douche comm’ du v’lours :

J’vous salue, ch’monsieur du corbieau
Ch’est point pour vous vinter mais vous êtes vraimint bieau
In veyant vos bell’ pleumes je n’peux point, m’impécher
D’pinser qu’si par hasard vous savez bin canter
In pourra dir’ eud’ vous ch’est l’champion des ogieaux

L’aut’, in intendant cha veut canter un morcieau
Pour prouver qu’y tient l’dragée haute
A Caruso et à tous l’ z’autes’
Et sans busiller à ch’qu’y fait
Y’ouf sin bec et y laiche bourler
Sin bieau fromach’ qui cait par tierre.
Eul’ renard cha fait eus’n’affaire
Mais avant d’rimplir sin musieau
Y dit au corbieau :

Babénot,
Te viens de t’fair avoir, mais ch’est ein’ bonn’ leçon
Et si cha peut t’rint’ plus prudent in prenant d’lache
Mi ch’cros qu’cha vaut bin un fromache

Et ch’est pour cha qu’à ch’t’heure, eud’pis cheutte aventure
Les corbieaux n’canttent pus, cha vous pouvez n’ête sûr.