A min père
Adieu Ch’terril d’Rimbert
Dù qu’ i sont
Em’Belle Soeur
Le Pain d’Alouette
Louis par chi, Louis par là

A min père

Comme ches galibots de t’génération
A douze ans t’as déval‚ au carbon
T’as pas voulu que j’deschinde in infer
Et pour cha ej dos t’ armercier min père

Ed tin temps in n’se posot pas d’questions
Ches jonnes comme ches vieux i z’allottent au fond
Quand t’as eu l’âche ch’n’étot pas un mystère
T’jeunesse alle s’a passée d’ sous terre min père

REFRAIN :

Armont‚ au jour té dev’nos machon
Avec tes bras t’as construit nou maison
Dins tin gardin t’ allos pour et’ distraire
Je n’ t’ ai jamais vu t’ arposer min père
T’ as pas gramint connu ches distractions
Einne partie d’ pêque ch’ étot t’ récréation
El fosse alle t’ a vite raapp’ lé ed’ sous terre
A cause d’ elle t’ es pus avec mi min père
El traval ch’ étot l’ sort ed nous taïons
T’ as eu drot à ches souffrances à ches gnons
T’ as saqué dur pour que j’ n’ euche pas misère
J’ ai eu de l’ chance equ’ ch’ ‚tot ti min père

T’ as connu la guerre et ches restrictions
Ch’ est ti qui a gagné l’ batalle du carbon
Mais tes poumons sont rimplis plein d’ poussières
T’ as sacrifié l’ mitan de t’ vie min père

Chanson et Musique : Simon Colliez
Paroles : Guy Dubois

Adieu Ch’terril d’Rimbert

T’étos là comme einne montagne bien à plache
Té faisos partie ed’nou paysache
Qui d’nou pères i aurot pinsé que ch’terril
Par un bieau jour i strot évanoui
Bin mes pauves gins i faudra bien s’y faire
Y’a disparu min viux terril d’Rimbert
Bin mes pauves gins i faudra bien s’y faire
Y’a disparu min viux terril d’Rimbert
Quand j’étos gosse ej’ grimpos sur tin dos
Si y avot pas d’garte vite in s’faufilot
Parmi chés rals chés aiguillaches chés bos
Et tout l’fourbi qui traînot sus ch’carreau
Et in grimpot tout in haut dins l’poussière
Y’a disparu min viux terril d’Rimbert
Et in grimpot tout in haut dins l’poussière
Y’a disparu min viux terril d’Rimbert
T’étos un témoin d’l’ouvrache ed’ nou pères
Qui ont ouvré tout leu vie ed’sous l’terre
Pour t’construire y a fallu plus d ‘cent vingt ans
Et ravise in n’parle plus d’ti in rien d’temps
T’es parti rogné par chés bull-dozers
J ‘te dis adieu min viux terril d’Rimbert
J’restos juste in face quand j’n’étos qu’un jonne
l’ravisos monter déchint’ el’crinquonne
Chés berlines s’croisottent toudis à l’même plache
Et tout l’journée faire leu remue-ménache
Pour aller baller in haut l’mécante terre
Et dire qu’i est parti min terril d’Rimbert
Pour aller baller in haut l’mécante terre
Et dire qu’i est parti min terril d’Rimbert
J’souris quand même parce que j’pinse à quitte cosse
Tous chés gins qui s’sont fait mourir à l’fosse
In’ s’ doutottent pas in armontant ch’ carbon
Que l’terre servirot à leu tits garchons
I n’ in frottent einne tête nou arrières grands ‘pères
Ed’vir qu’i n’existe pus ch’terril d’Rimbert
I n’in frottent einne tête nou arrières grands’pères
Ed’vir qu’i n’existe pus ch’terril d’Rimbert

Refrain Chés éfants et pitits éfants d’mineurs
I veul’nt du schiste dins n’allées d’leu demeure
Quand i partent in vacances sur l’autoroute
Je n’cros pas qui n’a bien gramint qui s’doutent
Que l’montagne aile est sous chés reulles à terre
Ch’est là qu’t’es parti min terril d’Rimbert
Que l’montagne aile est sous chés reulles à terre
Ch’est là qu’t’es parti min terril d’Rimbert

Chanson et Musique : Simon Colliez
Paroles : Guy Dubois

Dù qu’ i sont

Dù qu’ i sont tout’ s ches compagnies d’ mineurs
Qui allotent d’ sous terre faire ech’ dur labeur
Au pic à l’ riv’ laine rassaquer ch’ carbon
A l’ abattache au herchache dù qu’ i sont

Dù qu’ i sont les mineurs du grand saquache
A l’ brouette à front d’ talle à l’ accrochache
Méneux d’ quévaux raccommodeux porions
Nous pères nous hardis taïons dù qu’ i sont

Dù qu’ i sont les rires d’ ches filles à gaillettes
Oubliant leu peines pour einne amourette
Au moulinache ouvrant comme ches garchons
Nous lampistes et leus taillettes dù qu’ i sont

Refrain
Dù qu’ i sont vous d’ mind’ ront un jour vous gosses
Les souv’ nirs d’ ches gins qui allottent à l’ fosse
Pus d’ chevalets pus d’ terrils pus d’ corons
O vous lamint’ rez aussi dù qu’ i sont

Dù qu’ i sont toutes ches compagnies d’ mineurs
Porions galibots calins ingénieurs

Chanson et Musique : Simon Colliez
Paroles : Guy Dubois

Em’Belle Soeur

J’ai eune belle soeur elle passe deux heures tous les matins
À’s’pomponner, à’s’maquiller dins’l’salle de bain
Elle met du rouche, du gligli noir et pis du vert
In dirot tout un indien su’l’sentier d’la guerre
Avec tout’l’couche d’eul’peinture qu’elle met su’s’figure
In pourrot ar’faire les f’nêtres, les portes et les murs
Et sans compter du rouche qu’elle met sur ses dogts d’pied
Et ches caveux qui quangent de couleurs sans arrêt

Quand elle vient, et qu’elle m’embrasse j’vous assure qu’elle laiche des traces, ém’belle soeur!
J’ai d’eul’peinture tout partout, sur mes caveux, dins min cou, ém’belle soeur!
Alle met tellemint éd’parfum, qu’elle impeste les voisins, ém’belle soeur
I parait que ch’est d’famile, ch’est comme cha eud’mère in file, ém’belle soeur

Si j’vous disos tout s’qu’elle met dins s’sac à main
Ch’est du parfum, du rouche à lèvre et du fond d’teint
Quand elle débarque in dirot eune représentante
À elle toute seule ch’est eune parfumerie ambulante
In plus faut vire commint qu’elle s’habile, ch’est d’un goût
À tel point qu’elle se fait ar’marquer tout partout
Avec sin maquillage, et’s’n’allure et ses loques
Cha fait moitié clown, cha fait moitié cachalote

In s’crorot au carnaval, quand j’l’aperçois je’m’cavale, ém’belle soeur
Quand ches gins is parlent d’elle, is l’apellent l’aquarelle, ém’belle soeur
J’lai aperçu un matin, sans maquillage sans rien, ém’belle soeur
Éj’vous assure qu’à coté Frankestein ch’est eune beauté, ém’belle soeur

Quand elle vient, et qu’elle m’embrasse j’vous assure qu’elle laiche des traces, ém’belle soeur!
J’ai d’eul’peinture tout partout, sur mes caveux, dins min cou, ém’belle soeur!
Alle met tellemint éd’parfum, qu’elle impeste les voisins, ém’belle soeur
I parait que ch’est d’famile, ch’est comme cha eud’mère in file, ém’belle soeur

In s’crorot au carnaval, quand j’l’aperçois je’m’cavale, ém’belle soeur
Quand ches gins is parlent d’elle, is l’apellent l’aquarelle, ém’belle soeur
J’lai aperçu un matin, sans maquillage sans rien, ém’belle soeur
Éj’vous assure qu’à coté Frankestein ch’est eune beauté, ém’belle soeur

Texte et Chanson : Simon Colliez

Le Pain d’Alouette

J’avos cinq ou six ans peut-ete
A l’époque ed l’occupation
Min père m’ raménot l’ pain d’alouette
Pour que j’ souffre moins des privations

L’pain d’alouette faut que j’vous l’dise
Chétot eune tartine arséquée
Qui avot un tiot goût d’ pain d’épice
Min père i l’ prél’vot d’sin briquet
Aussi quand i rintrot de l’mine
Bien mate d’avoir fait du carbon
Dins chel’ malette comme eune fouine
J’allos récupérer ch’crouton
Et demander de m’voix fluette
Tout in bavant d’sur min cotron
Pourquoi app’ler l’pain d’alouette
Chés tartines qui m’semblot si bon

Alors in s’essuyant s’ moustache
Barbouillée d’ soupe tout alintour
I m’ racontot d’un ton plus grave
L’ plus belle des histoires d’amour

L’ pain d’alouette, min tiot bonhomme
Il est fabriqué pendant l’ nuit
Alors que tous les gosses i dorment
Rêvant aux anges du paradis
Tandis que dins l’ fin fond de l’mine
Accroupi pendant sin briquet
L’ mineur in grignotant s’tartine
Fait querre des miettes intre ses pieds
Alors toutes les souris del’ fosse
Dins les bowettes et les cassis
S’in vont par les creux et les bosses
Ramasser l’ pain qu’in leur a mis

Après avoir nourri lu mioches
Blottis dins leu tiot nid douillet
Bien à l’abri d’ tous les coups d’ pioche
L’ pain si bon, i vont l’ fabriquer
Ainsi l’ crouton noir de l’ malette
Qui t’régale et qui t’sempe si bon
J’l’ai trouvé intouré d’équettes
Chétot l’ paradis min garchon

J’avos cinq ou six ans peut-ete
Souvint min père i m’racontot
L’histoire du bon pain d’alouette
Que tous les jours i m’raménot
Asteure qu’ les années ont passées
J’m’in rinds compte mieux que personne
Que l’ bout d’pain souvint armonter
A fait de moi papa, un homme…

Paroles et Chanson : Jean Ceenaeme et Simon Colliez

Louis par chi, Louis par là

Quand j’allos au fond de’l’mine, j’ménos eune vie plus tranquile
Tous les soirs après l’boulot, j’m’arrêtos boire un pot.
Même que j’rintros à minuit, elle ne m’a jamais rien dit.
‘Jourd’hui que j’suis pinsionné, j’intinds toudis crié:

Louis par chi, Louis par là. Louis viens chi, Louis viens là
Ramone par chi, Ramone par là. Gratte me par chi, gratte me par là
Achtique me chi, achtique me là, Fais briller chi, fais briller là.
‘Ptit Loulou, ‘ptit Louis toudis là.

Dire qu’du temps où j’travaillos, je m’disos vivemint l’repos.
J’étos bien loin de m’douter, tout ce qui m’allot m’arriver.
Je m’vayos tous les matins, à’l’pêque avec min voisin
Mais j’n’ai pas eune minute à mi, i faut toudis qu’elle crie

Louis par chi, Louis par là. Louis viens chi, Louis viens là
Ramone par chi, Ramone par là. Gratte me par chi, gratte me par là
Achtique me chi, achtique me là, Fais briller chi, fais briller là.
‘Ptit Loulou, ‘ptit Louis toudis là.

Ah! Si j’avos su refuser, d’prindre m’retraite inticipée
Serot plus heureux aujourd’hui, j’méneros eune meilleure vie.
A’m’faire faire, tout ce qu’elle m’fait faire, je vais vite m’artrouver sous terre
J’sins qu’m’retraite inticipée je vais pas in profiter.

Louis par chi, Louis par là. Louis viens chi, Louis viens là
Ramone par chi, Ramone par là. Gratte me par chi, gratte me par là
Achtique me chi, achtique me là, Fais briller chi, fais briller là.
‘Ptit Loulou, ‘ptit Louis toudis là.

Louis par chi, Louis par là. Louis viens chi, Louis viens là
Ramone par chi, Ramone par là. Gratte me par chi, gratte me par là
Achtique me chi, achtique me là, Fais briller chi, fais briller là.
‘Ptit Loulou, ‘ptit Louis toudis là.

Chansons de :

Simon Colliez