Ch’Meneux d’Quévaux

In ne peut pas s’mette dins l’idée, chou’qu’ch’est d’aller m’ner ch’bidet.
Aussi vrai qu’euj’m’appelle Nénesse, j’méne un g’vau qui file comme l’espress.
Quind j’l’attelle su min train d’balles, sitôt hue! v’là qu’i’s’imballe,
Plus qu’j’saque su’ch’l’afilée, i n’arrête pos d’filer.
Si qu’i’accroches eune féniesse, i’arrache tout dins’vitesse.
Quand i sort ch’train d’bâles dehors, pour saquer i ardoup’ d’efforts.
Dès fos j’arrive à ch’treul, j’n’ai plus qu’des barous sins reule.
S’n’est point toudis rigolo d’ête meneux d’quévaux.

A faire du soixante à l’heure, min g’vau i’est tout in sueur,
Quind in y attele deux trains d’balles dins coup, sins ar’noncher i vous saquera tout.
Et filochant comme l’éclair, les reules is’n’touchent-té plus l’fer,
Et d’sorte d’dire té-patout qu’i passe, « gare ou bin j’t’écrasse! »
In m’a déjà r’trouvé, d’sous min train d’balles dins ch’carné
Comme l’aute jour eud’vive allure, allant au bure ch’tiote biture
Et ch’quévau arrive si féle, qui a monté chinq mètes d’équelle.
S’n’est point toudis rigolo d’ête meneux d’quévaux.

Mais il a eune sale manière, comme i’m’tourne toudis l’derrière,
Lévant s’queue tout in visant m’chtiête, d’un coup vint i’involait barrette.
Dé’ch’barou comme un furieux, euj’bouche’s’fuite, j’appuie su’s’queue,
In reniflant tout’long d’eul’boïette, éch’parfum d’eul’sale biête.
In ne peut pas taper d’sus, pou li s’arvinger i rue.
I vaut mieux d’tous ses vices, fermer s’bouque et l’prindre par l’prisse
Et s’qu’i’y gravé dins ch’tiête, i faut qu’cha craque ou bin qu’cha pête
S’n’est point toudis rigolo d’ête meneux d’quévaux

Mais qu’v’là qu’eul’semaine dernière, arrivait l’vétérinaire,
V’là t’y pas qu’y avot plein d’épate: min quévaux i avot cinq pattes.
Él’lendemain z’ingénieurs s’amènent pou constater l’phénomène
Faut y faire, i dit l’maréchal, un fer spécial.
In riot eud’sin sort, in arvêtiant s’patte à’r’ssort.
Alle est’automatique, alle rintre, alle sort, alle s’rintique
Ch’est comme un parapluie qui souff’, qui s’ferme, qui s’arplie
À mon Dieu qu’ch’étot rigolo quand j’tos méneux d’quévaux

La Parisienne

Jamais j’n’aurais cru en quittant Paris, qu’un mineur serait devenu mon mari
J’l’ai connu je n’le sais comment, il m’a parlé d’sa vie, d’ses tourments
Travailler l’charbon quel triste métier, j’éprouvais pour lui beaucoup d’amitié
Finalement comme il m’a séduite, j’devins sa femme et j’étais tout pour lui
Curieuse femme, il faut qu’j’aille voir, la remonte de ces gueules noires
D’un profond trou ténébreux, ils reviennent noirs et poussiéreux
Pour descendre dans ce’trou béant, faut pas être un fainéant
Ils ont l’caisson d’un colosse, pour qu’ils bossent dans ces fosses
J’étais fière d’avoir l’honneur d’être la femme d’un mineur

Puis on s’est marié, on n’avait pas d’rond, on s’est installé dans un vieux coron
Et bien vite on eut des amis, des voisins qui parlaient ch’ti mi,
On passait chez eux des soirées entières, et vas-y café et roulaient cafetières
Et quand vint au monde mon garçon, quelle joie, quel bonheur dans la maison
J’m’y faisais vous pouvez m’croire, un roman, belle page d’histoire
Malgré l’métier périlleux, mon homme trouvait tout merveilleux
D’son p’tit gosse il était fou, lui disant sur ses genoux
 » Plus tard, faudra qu’tu y bosses, comme d’autres gosses à la fosse
Ce n’est pas un déshonneur d’être ouvrier mineur  »

Puis survinrent la guerre et l’occupation, souffrances, misères et déportations
Mon homme fit comme tous ces copains, sabotages, attaques et coups d’mains
Mais hélas les Boches étaient peu pointus, lui tendirent un piège et m’l’ont abattu
C’est fini, fini mon chéri, l’gosse et moi, nous r’voilà à Paris
Quand j’évoque ce territoire, aux immenses terrils noirs
Je revois d’un air fringueur, tous les copains, tous les mineurs
On m’a admise parmi eux,  » Va chérie, t’f’ras de ton mieux  »
 » Plus tard quand tu parleras de ton homme, dis au môme que ma pomme
Est tombée faisant son d’voir, comme l’ont fait tant d’gueules noires « 

La Polka du Mineur

Pindant l’briquet un galibot,composot assis sur un bos,
L’air d’eune musique qu’i sifflotot
Ch’étot tellemint bin fabriqué, qu’les mineurs lâchant leurs briquets
Comminssotent à’s’mette à’l’danser
Pour musicien y’a la Ripette, faisant d’eus’musette pleines d’équettes
L’bruit des claquettes, et castagnettes
Et l’mingeux d’haricots bidasse, in lachant au d’là d’eus’paillasse
Imite l’son d’eu l’jass et l’contrebasse, par l’trou qu’cha passe
Et l’géomète, dins’s’longue lorgnette, faisot l’trombone sur la clef d’fa. Choupla, choupla !
Et’l’vieux Niquel’sse battot l’grosse caisse, tapant su’l’penche du m’neux d’quéva. Youpla, youpla !
Et’l’chef éd’coupe intre ses loupes faisot l’saxo su’l’manche d’és’coupe
L’porion in serrant ses gambettes, lachot l’même son qu’eune clarinette
Soufflint dins’l’buse, z’o cornemuse
Fallot vire juer l’ajusteur, tambours et pistons du moteur
Dans la popo, la polka du mineur

Au fond d’eul’fosse loin d’ête troublés, les mineurs sont tous rassemblés
In dancher euch’t’air indiablé
Qu’in soit courageux ou bien fat, subtil ou mou comme eune tomate
Y a pas faut faire aller ses pattes
V’là qu’attirés par la musique, euch’maîte et l’ingénieur rappliquent
Et allez Ho ! sans qu’is ch’espliquent
Jettent leurs capotes et leurs musettes, leurs liquettes ainsi qu’leurs barettes
Et faire nue-tête des pirelouettes, in pied d’cauchettes
Et l’géomète criot à ch’maîte :  » Vas-y vieux frère ! Ch’t’eune bielle polka !  »
Et l’chef eud’talle, à l’as passalle,l’ingénieur joyeux qui cria: »Youpla, youpla ! »
Personne résiste, l’bout d’feu si triste, tendant les bras au machiniste
Essai d’dinser ‘vec un gros type, in’i disant  » Armue tes tripes  »
 » Quand te balanches, t’ecrass’ eut’penche  »
V’là qu’eune grosse bûche quée par erreur, culbute eul’porion, l’contrôleur
Dans la popo, la polka du mineur

Au fond d’eul foss’, ch’est eune cohue, mais v’là qu’au jour cha est connue
In danch’ partout même dins ches rues
Eul’pharmacienne et l’vidangeur, les gendarmes, les cambrioleurs
Font tous la polka du mineur
Les autobus n’ont plus d’passache, les voyageurs loin d’ête in rache
Dinchent in’s’tenant au porte-bagache
Eune future mère dins ses douleurs, disant in t’nant sin jeune danseur
 » Ralentissez ! J’ai des lourdeurs, à min chou-fleur !  »
V’là qu’au cimetière, l’mettant in tchierre, Victor dins l’cerceul s’écria:  » Youpla ! Youpla !  »
 » Dépêche te Blanche ! D’inlever mes planches ! Que j’ardévale dincher l’polka  »
Du coup l’bieau-frère, s’arrêtant d’braire, mène la danche ‘vec eul’vicaire
In sortant du cerceul euch’corps fait culbuter Louis ch’croquemort
Et tout’l’famile, rit et sautile, et l’mort s’armettant de s’frayeur
Dinsot avec eul’fossoyeur
La belle popo, la polka du mineur

Mais la chanson loin d’être haÏe, est connue dins tous ches pays
D’ichi jusqu’aux îles Haiwaï-i
Alle est vindue à Gilbraltar, Zanzibar et Madagascar
Jusqu’au bazard eud’Bos-Bernard
Eul’galibot est devenu riche, à’s’t’heure des mineurs i s’in fiche
I voyage fumant d’bonnes cibiches,
I vient eud’débarquer in Afrique, et d’s’aquater eune bielle boutique
Pou li vinde sin morcieau musique, si magnétique
Dins ch’l’étalache, des noirs sauvaches, sont là qui r’vétent presque nus
Mais tu les as d’jà vus
Ch’est à’n’pas croire, mais leurs gueules noires
Ch’est ses mineurs et les a arconnus, criant :  » Ha ! Hue !
L’galibot s’lève et tout s’achève, pindant l’briquet, i’a fait qu’un rêve
Un mineur li dit :  » Hé ! Grouille ! Te chiffle tout haut qu’un tu roupilles  »
 » Vois « , dis ch’pauf’ gosse,  » j’suis ‘core à l’fosse  »
 » J’chifflotos étant accroupi, j’composos, j’me suis assoupi  »
 » Mais la polka du mineur, j’l’ai finie ! « 

Tout in Haut de ch’Terril

Dins chés corons queu r’mue-ménache
Chés mineurs vienn’t’ d’avoir leu congés
Prenn’t’ leu valisses et partent voyager
A la campagne ou vir leu parinté
Mi comme el’z’autes j’prinds mes bagaches
Ej’ m’in vas mais j’quitte pont min pat’lin
J’vos du pays v’là l’manière que j’m’y prinds
Sans débourser un sou d’train

Ej’ passe mes vacances tout in haut de ch’terril
J’a toudis d’la chance ch’terrain i’est jamais pris
J’monte eum’toile ed’tente, j’vis tout seul, ej’ m’arrinche
Ej’siffle, ej’ris, ej’cante, ej’sus heureux d’faire du campinche
Je m’fais la popotte, j’vis bien miux qu’à l’hôtel
J’mets comme les cocottes du rouche à mes ortels
Du haut dé m’couplette jé m’cros à Chambéry
Mais Jé n’suis qu’au faîte tout in haut de ch’terril

Comme point d’vue faut vir ch’que j’degotte
Les bos, les prairies des environs
Chés villaches, chés villes, nou corons
Et je m’rinche l’œul cha n’me coûte pas un rond
Sus min fu d’bos j’fais tout m’gargotte
Viandox, peumes tierre frites, morcieau d’lard
Et j’a monté trint’chinq lites ed’pinard
Pour mi chucher in père peinard …

Ej’ passe mes vacances tout in haut de ch’terril
J’a toudis d’la chance d’vir ch’que j’vos ch’est à mi
Quand arrife eul’soir, ej’vos v’nir d’z’amoureux
I z’attindent qu’i fèche noir, mais mi je n’les quitte pos des yeux
I vont s’inlaçant, s’dijant des balivernes
Tout in s’imbrassant dins chés blés, dins ch’luzerne
I’s font des papoules in s’app’lant « mon chéri »
Et mi j’vos tout cha d’tout in haut de ch’terril

Mais avant hier j’n’a pont eu d’chance
D’un seul cop vlà qu’i s’met à pluvoir
J’rinte à l’abri d’zous min perchoir
Em’tente all pichot, ch’tot pire qu’un arrousoir
Alors j’a poussé la romance
J’a sorti pour m’éviter l’cafard
Et j’a fluté chinq six lites eud’pinard
In berloquant comme un pochard …

J’a dégringolé tout in bas de ch’terril
Arrivé au pied jé m’sus rèl’vé tout meurtri
J’sais pus quo qu’j’a fait, j’avos tell’mint eun’cuite
A l’pache de m’barette j’avos sus m’tiête euch’codron à frites
A forche ed’bourler m’panche sus des caillaux
Y a eun’certain’plache i m’in manquot un morcieau
J’y a mis un bout d’loque j’sus pos prêt d’ête gueri
Et j’sus armonté tout in haut de ch’terril

Alors’ pindant trente ans l’mineur-campeur il n’quitte pis sin cher terril,
minme pinsionné il y va comme au passé. Seul’mint aujoud’hui i’est
malate, el’fosse all’l’a usé. I’est dins sin lit et les larmes aux yux in ravisant
à travers ech’carreau, i dit tout bas :

Comme cha va vite comme eul’temps passe
Au terril j’a campé bin d’z’années
A ch’t’heure i faut l’abandonner
Jé n’sus pus qu’un viux mineur pinsionné
Et j’n’a pus qu’des oches dins m’carcasse
J’sus vieilli mes gampes sont ramolies
Et de l’fermiète in étant dins min lit
In l’ravisant j’dis ch’est fini

J’mon’tra plus jamais tout in haut de ch’terril
Fini désormais l’méd’cin j’l’ai ben compris
Par quarante ans d’fond mes poumons i’ont quite cosse
L’poussière eud’carbon in appelle cha la silicosse
Ch’est bétot min tour ed’partir comme tant d’viux
D’faire un long séjour là auprès du Bon Dieu
J’espère qu’i m’laich’ra quand j’s’rai au Paradis
Cor’ v’nir in vavances tout in haut d’min terril

J’espère qu’i m’laich’ra quand j’s’rai au Paradis
Cor’ v’nir in vavances tout in haut d’min terril

Chanson du mineur Arthur Wéry
Chanté par : Edmond Tanière et Renaud entre autres

tout in haut de ch’terril par amadonia

Le terril par guydechbos