Bé! Qu’in est fir d’êt Mouscronnos

In in-tin sou-vint dir’ que Mouscron ch’té bieau patlin.
Cha s’dit d’tous les côtés, faut croir que ch’est vrai
Dins t’temps ch’né tot foque é grand villach, mais tcheu tchangmint
Tchand qu’in va dins les rus, in n’ser connot pus
Et v’la pourquo qu’in tchant’ tout partout à la rant’

Refrain :
Bé! Qu’in est fir d’êt Mouscronnos
Pus hiards que nous aut’s, y nda pos!
In peut faire t’tour de la terre.
Ch’est bin Mouscron qu’tertous préfere!
Nous ville in v’vot si volintis
Qu’int n’tchangrot pos, même pour Paris
Y’a pos in est heureux comme des pichons dins l’eau.
Bé! Qu’n est fir d’êt Mouscronnos’ Oh! Oh! Oh!

Tertous sait qu’les vrais Mouscronnos ch’est tous des brav « s gins,
I-ont tertous é bon tchoeur,
Toudis d’bonne humeur !
Z-z’étringis i sont bénaich’s de nou timpéramint,
Tchand qu’i vînn’tent nous vir
N’veuttent pus partir,
Et pour être à la mot’,
I tchantent avec nous aut « s :

Pour être heureux y-a des gins qui n’sait pos d’ù tcheurir,
Nd’a qui vont in Afriq’,
D’zautes in Amériqu’
Mais les Mouscronnos, ch’est des veinards, cha in peut d’dir’
Pasque dins leu p’tit’ vill’
I sont fin trinchtill’s
I-ont v’vrai bonheur su plach’,
Et i tchantent à tout âch’ :

Tchand qu’ les Mouscronnos i sont invos pour faire é tour,
Dins les tchamps, à la mer,
Histoir’ de print’ l’air.
In vélo, in autocar, au train, tout l’long du jour,
I-ont toudis t’tchoeur joyeux,
Ch’est des innimeux
Tchand qu’in les vot passer,
I tchantent à tout casser,

Refrain :
Bé! Qu’in est fir d’êt Mouscronnos
Pus hiards que nous aut’s, y nda pos!
In peut faire t’tour de la terre.
Ch’est bin Mouscron qu’tertous préfere!
Nous ville in v’vot si volintis
Qu’int n’tchangrot pos, même pour Paris
Y’a pos in est heureux comme des pichons dins l’eau .
Bé! Qu’n est fir d’êt Mouscronnos’ Oh! Oh! Oh!

Texte en patois de la ville de Mouscron (Belgique)

Paroles Mélanie du Bos-Fichaux