Infos

Poète et Mineur
Né en : 1886
Décédé en : 1969

Inn’ bonn’ leçon

El’ grand dudul étot malade
Faut vous dir’ que ch’est in guinceux
I avot s’ nez rouch’ comm’ in’ tomate
A forch’ ed’ léquer ch’ grand buveux

Thérès ! ch’étot s’ femm’ inn’ bonne pâte
Li applicot des r’mèd’ fameux
Sus’ vinte alle i collot d’z’implates
Pou l’ guérir al’ faisot d’ sin mieux

In jour pou l’ corriger d’sin vice
Profitant du moment propice
Dus’ qu’al’ devot tuer in lapin

Thérès fait boir’ à l’ petiot’ biète
In verre dé’ g’nef, l’mort fût nette
– Té l’ vos Dudul’ ? V’là c’ qui t’attind !

Dudul’ répond in éch’tant s’tiète
– Ch n’est mi bon pour chés lapins
L’ gènef i a té fait pour chès gins !

Les Ramasseus’ ed’ caillots !

Revettiez-les partir ed’ bon matin

L’gamel’ as main et sus’ tiête in béguin

Au pays noir in l’s’ appel’ les gaillettes

Bin qu’leu minois vaut l’ceu d’in’ bell’ fillette

Sainte-Cécile (1923)

Ch’est Saint’-Cécile, la musique est in fête,
Avec plaisi’ in s’ertrouv’, in s’apprête
A faire honneur au magistral banquet
Que chaque année in nous offr’ comme bouquet…